Igeriketa ligetako egutegiak direla eta, San Andres saria ohiko data baino lehenxeago ospatuko dugu aurten. Larunbatean, azaroaren 16an, izango da lehia eta festa, arratsaldeko 4tan hasita.
Zubiaurre eta Izarraitz igeriketa klubetako eta Marea Urdina taldeko igerilariek hartuko dute parte. Adinezka banatuta, 25 m egingo dute igeri txikienek (LH3-4) eta 50 m zaharrenek (LH5-6) eta Marea Urdinekoek.
Denbora onena egiten duten maila bakoitzeko hiru partaideekin podiumak osatuko dira eta garaikurrak banatuko zaizkie. Hala ere, denek eskuratuko dute saria. Domina eta goxoki poltsa bana lortuko dituzte parte hartzaile guztiek.
San Andres saria Zubiaurre Igeriketa Klubaren festa eguna da, maila guztietako igerilariak elkartu eta familiekin batera ospatzeko eguna izaten da. Azpeitiko Izarraitz Igeriketa Klubeko adiskideekin eta Marea Urdineko lagunekin hain maite dugun kirol honetaz gozatuz, arratsaldea festa giroan pasatzea da helburua.
**Ordutegien inguruko oharrak**
Proba 16:00an hasiko da, baina igerilariak 15:00an elkartuko dira Elkarguneko sarrera zaharrean beroketa saioari ekiteko.
Guraso laguntzaile taldeko kideei 15:30an igerilekura bertaratzeko eskatzen zaie.
Gure bidelagunak
