Larunbat honetan igeriketako bi hitzordutan izango dira Zubiaurreko igerilariak. Batetik, Gabon Kopa ospatuko da Eibarren, eta bestetik, zaharrenek, Azpeitian jokatuko den Neguko ligako jardunaldian hartuko dute parte.
Gabon Kopa, Eibarren
Gabon Kopa jolasa eta lehia uztartzen dituen proba izaten da, igeriketa festa bat, eta benjamin eta alebinek hartuko dute parte, 2012tik 2016ra bitartean jaiotakoek. Hitzordua arratsaldeko 15:00an izango da, eta jolasekin hasiko dira. Ondoren, arratsaldeko 16:00an, txapelketari hasiera emango zaio eta amaieran sariak banatuko dituzte.
Liga jardunaldia, Azpeitian
Neguko infantil, junior eta absolutuen ligako jardunaldia, berriz, Azpeitian jokatuko da. Igerilariak 3tan elkartuko dira beroketa saioa egiteko, eta 4tan ekingo diote jardunaldiari.
* Gipuzkoako Igeriketa Federazioko egutegia hemen kontsulta daiteke. www.gif.eu
Gure bidelagunak
