Alebin mailako Gipuzkoako Eskolarteko Txapelketa jokatu zen Azpeitian, joan den asteburuan. Zubiaurre Igeri Elkarteko 13 neska-mutilek hartu zuten parte lehiaketan, eta emaitza onak lortu zituzten; kasu ia gehienetan, igerilari bakoitzak bere marka pertsonala hobetzea lortu zuen, eta aurrera begirako txapelketetan parte hartzeko gutxieneko denborak ere egin zituzten gure taldekide askok.
Beste behin, maila bikaina erakutsi zuten Zubiaurreko kideek, eta lanean jarraitzeko gogoz eta ilusioz itzuli ziren guztiak etxera.
Ondorengo loturetan, behin behineko emaitzak eta Azpeitian ateratako argazkiak.
