Bihar, otsailak 11, larunbata, alebin eta benjamin mailetako igerilarien txanda izango da.
Alebinek, Eibarren dute hitzordua. Igeriketa saioa 16:30an hasiko da eta 15:45etan elkartuko dira Zubiaurreko igerilariak Eibarko Ipurua igerilekuan beroketa saioari ekiteko. 400m libre, 100m bizkar, 50m tximeleta eta 4x200m libre probak jokatuko dituzte 2009 eta 2010 urteetan jaiotako mutilek eta 2011an jaiotako neskek.
Benjaminek, berriz, Azkoitian dute hitzordua. 15:00tan beroketa hasita, 16:00tan emango zaio hasiera igeriketa saioari. 2012-2014 urteetako neskek eta 2011-2014 urteetako mutilek hartuko dute parte herrian ospatuko den igeriketa saioan.
