Pello Benitez Zubiaurre Igeriketa Klubeko kideak Espainiako XXVII. Neguko Igeriketa Txapelketan hartuko du parte. Master mailako lehiaketa da, eta martxoaren 3tik 6ra jokatuko da Pontevedrako (Galizia) Rias do Sur kirolguneko igerilekuan.
Bestalde, Zubiaurreko alebinek Azpeitian izango dute hitzordua larunbat arrataldean. Alebin Ligako 5. Jardunaldia jokatuko da Udal Igerilekuan, 16:00etan hasita. Ordubete lehenago egon beharko dute bertan igerilariek, beroketei ekiteko.
